கோகோ கோலாவின் மூலப்பொருட்கள் பட்டியல்

கோகோ கோலா குளிர்பானம் தயாரிக்க பயன்படும் மூலப்பொருட்களின் விவரத்தை, பிரிட்டன் இணையதளம் ஒன்று வெளியிட்டுள்ளது.

கடந்த 1886ல், ஜான் பெம்பர்டன் எனும் மருத்துவ ஆராய்ச்சியாளரால் கண்டுபிடிக்கப்பட்ட கோகோ கோலா குளிர்பானம், தற்போது உலக அளவில் முதன்மை இடத்தில் உள்ளது.எனினும், இந்த குளிர்பானம் எவ்வாறு தயாரிக்கப்படுகிறது,

அதில் கலக்கப்படும் மூலப்பொருட்கள் என்னென்ன என்பது பற்றிய விவரங்கள் அனைத்தும், பரம ரகசியமாகவே பாதுகாக்கப்படுகின்றன. கோகோ கோலாவின் ரகசியத்தை கண்டறியும் முயற்சியில் பலர் ஈடுபட்டு வந்தனர்.


இந்நிலையில், 'திஸ்அமெரிக்கன்லைப்.ஓஆர்ஜி' எனும் இணையதளத்தில், 'கோகோ கோலாவின் மூலப்பொருட்கள்' எனும் தலைப்பில் ஒரு புகைப்படம் வெளியாகியுள்ளது. இந்த புகைப்படம் ஏற்கனவே, கடந்த 1979, பிப்ரவரி 8ம் தேதியிட்ட 'அட்லான்டா ஜர்னல் கான்ஸ்டிடியூஷன்' நாளிதழில் வெளி வந்துள்ளது.


புகைப்படத்தில், புத்தகம் ஒன்று திறந்த நிலையில் உள்ளது; அந்த புத்தகத்தில், கோகோ கோலா தயாரிக்க பயன்படும் பொருட்கள் மற்றும் பார்முலா விவரங்கள் அனைத்தும் பட்டியலி டப்பட்டுள்ளன.


மூலப்பொருட்களின் விவரம்:கோகோ திரவம் குறிப்பிட்ட அளவு, சிட்ரிக் அமிலம் மூன்று அவுன்ஸ்கள், கேபைன் லோஸ் மற்றும் சர்க்கரை குறிப்பிடத்தகுந்த அளவு, தண்ணீர் 2.5 கேலன், எலுமிச்சை சாறு 32 அவுன்ஸ்கள், வெனிலா 1 அவுன்ஸ், கேராமெல் நிறமி (குறிப்பிட்ட நிறம் வரும் வரையில் சேர்க்க வேண்டும்.)


கோகோ கோலாவின் தனித்துவமான சுவையை ஏற்படுத்த, 'மெர்சன்டைல் 7எக்ஸ்' என்ற பொருள் பயன்படுகிறது.


இந்த 'மெர்சன்டைல் 7எக்ஸ்' தயாரிக்க பயன்படும் எண்ணெய் பொருட்கள் விவரம் வருமாறு: ஆல்கஹால் 8 அவுன்ஸ்கள், ஆரஞ்சு ஆயில் 20 துளிகள், லெமன் ஆயில் 30 துளிகள், ஜாதிக்காய் ஆயில் 10 துளிகள், தனியா ஆயில் 5 துளிகள், சாத்துக்குடி ஆயில் 10 துளிகள், இலவங்கப்பட்டை ஆயில் 10 துளிகள்.இவற்றில் இருந்து தயாரிக்கப்படும், 'மெர்சன்டைல் 7எக்ஸ்' வேதிப்பொருளை மொத்த அளவில், 1 சதவீதத்திற்கு கலக்கும் போது, கோகோ கோலாவின் தனித்துவமான சுவை நமக்கு கிடைக்கிறது.


1 comments :

லிவிங்ஸ்டன் at February 20, 2011 at 6:23 PM said...

but cocokacola the teast of legent

Post a Comment

Related Posts with Thumbnails
 
Home | About | Link | Link
Simple Proff Blogger Template Created By Herro | Inspiring By Busy Bee Woo Themes