புதிய "ஃபிளேம்': விரைவில் டிவிஎஸ் அறிமுகம்

தமிழகத்தைச் சேர்ந்த டிவிஎஸ் மோட்டார் நிறுவனம் புதிய ரக ஃபிளேம் மோட்டார் சைக்கிளை அடுத்த மாதம் அறிமுகப்படுத்தப் போவதாக அறிவித்துள்ளது.

இப்புதிய ரகம் ஒற்றை ஸ்பார்க் இன்ஜினைக் கொண்டதாக இருக்கும். பஜாஜ் நிறுவனம் புதிய ரக பல்ஸரை செவ்வாய்க்கிழமை அறிமுகப்படுத்த உள்ளது. இந்நிலையில் டிவிஎஸ் மோட்டார் இத்தகைய அறிவிப்பை வெளியிட்டுள்ளது.

டிவிஎஸ் "ஃபிளேம் எஸ்ஆர் 125 சிசி திறன் கொண்டதாக சிங்கிள் ஸ்பார்க் இன்ஜினுடன் வெளிவரும். ஏற்கெனவே சந்தையில் உள்ள பிளேம் மாடலை விட இது முன்னேறிய ரகமாக இருக்கும் என்று நிறுவனத்தின் விற்பனைப் பிரிவுத் தலைவர் எச்.எஸ். கோயிண்டி தெரிவித்தார். விற்பனை உள்ளிட்ட விவரங்கள் அடுத்த இரண்டு, மூன்று நாள்களில் வெளியிடப்படும் என்றார்.

இப்புதிய ரக ஃபிளேம் மோட்டார் சைக்கிள் அடுத்த வாரத்திலிருந்தே விற்பனையகங்களில் காட்சிக்கு வைக்கப்படும் எனத் தெரிகிறது.

டிவிஎஸ் நிறுவனம் தனது ஃபிளேம் மோட்டார் சைக்கிளில் இரட்டை ஸ்பார்க் தொழில்நுட்பத்தை பயன்படுத்தி அறிமுகப்படுத்தியது. இத்தொழில்நுட்பம் தாங்கள் பயன்படுத்தும் தொழில்நுட்பம் என பஜாஜ் நிறுவனம் நீதிமன்றத்தில் வழக்கு தொடர்ந்தது.

இதனால் இரட்டை ஸ்பார்க் தொழில்நுட்பம் கொண்ட மோட்டார் சைக்கிளை விற்பனை செய்ய கடந்த மாதம் டிவிஎஸ் நிறுவனத்துக்கு உச்ச நீதிமன்றம் அனுமதி மறுத்தது.

இந்நிலையில் தற்போது ஒற்றை ஸ்பார்க் இன்ஜினுடன் புதிய ஃபிளேம் மோட்டார் சைக்கிளை தயாரித்து விற்பனை செய்ய டிவிஎஸ் முடிவு செய்துள்ளது குறிப்பிடத்தக்கது.


0 comments :

Post a Comment

Related Posts with Thumbnails
 
Home | About | Link | Link
Simple Proff Blogger Template Created By Herro | Inspiring By Busy Bee Woo Themes